19 Μαΐ 2015

"Σὸν Πόντο ἐγένεθα ἐγώ, ἐκεῖ ἐν ἡ Πατρίαδαμ ἔτανε χρόνια ταραγά, διωγμοὺς καὶ πεῖναν εἶδα"


Ρωμέισα Καλομάνα
Μουσίκη: Χρῆστος Παπαδόπουλος
Στίχοι: Μιχάλης Νικολαϊδης
Τραγούδι: Πέλα Νικολαϊδου...

Σὴ καλομάνα σὸ κρεβατ, καθέστε τὰ πουλίαμ
Ἡ ὥρα ἐν νὰ λέω σας, ἐγώ, τὴν ἱστορίαμ
Τὸν πόνον ντὸ ἐπέρασα, ἐκράτνα σὴν καρδίαμ
Ἀτὰ καμίαν κ’εἶπα τά, τρόμαζ καὶ ἡ λαλίαμ

Σὸν Πόντο ἐγένεθα ἐγώ, ἐκεῖ ἐν ἡ Πατρίαδαμ
Ἔτανε χρόνια ταραγά, διωγμοὺς καὶ πείναν εἶδα
Ἔντρισα καὶ ἐπίκα ἀγούρ, κ’ἐχάνα τὴν ἐλπίδαμ
Περήφανα κ’ἐλεύθεροι, νὰ ζοῦμε σὴν Πατρίδαμ

Ἔμπαιναν νύχτα οἱ τουρκαντ, κ’ἐσταύρωναν ποπάδες
Ἔρθαν καὶ σὸ χωρίο μοῦν, κι’ἐγούεψαν μανάδες
Ἔσπαξαν ὄλια τὰ μωρά, ἀντροῦδες, γεροντάδες
Θάμαν ἐν πὼς ἐπέζησα, ἄϊκα γιεράδες

Σὸ ἅιμαν ἐφουρκίουμνε, ναϊλὴ τὸ τσικαρόπομ
Καὶ ἐκεῖ ἐντοῦνε ἄψυχον, τ’ἀγούριμ σ’ἐγκαλιῶπομ
Ἐβάρκιζα γιατί Θεέμ, ντὲ ποῖκεν τὸ πουλόπομ
Θεὲμ ὄλτς ἐγὼ ἔχασα, ἔλα ἔπαρ τὸν ψόπομ

Τὴν ψὺμ ἂς ἔδινα ἐγώ, εἶδα τὴν Παναϊαν
Ἐσὺ θὰ ζεῖς εἶπεν γιαβριμ, ἐϊς σπόρον σὴν κοιλίαν
Δίδυμα θὰ τρανίντς ἐσύ, ρωμεϊκον ἐϊς καρδίαν
Προτοῦ ἀποθάντς θὰ ἱστοριϊς, γιὰ τὴν γενοκτονίαν

1 σχόλιο:

  1. αυτο το τραγουδι εχει τοσο ελληνικη ιστορια μεσα του καλυτερα απο απο βιβλιο ζητω η ελλας αδερφια

    ΑπάντησηΔιαγραφή

ΚΑΝΤΕ ΑΝΑΖΗΤΗΣΗ ΤΟΥ ΙΣΤΟΛΟΓΙΟΥ ΜΑΣ.